04:05:2010

د هري کورنۍ، ټولني او هيواد اقتصادي پر مختګ په کار پوري اړه لري، په هر هيوادکې چې سالمه اداره موجوده وي د خلکو لپاره دکار زمينه په ښه توګه برابريږي، چې دا د هر هيواد په، خپله ځواکمنۍ پوري اړه لري. افغانستان داسي يو هيواد دي چې دبي کاري کچه ورکی ډيره لوړه ده، ملګرو ملتونو په خپل يوه وروستي رپوټ کې دعام ولس پر بي وزلي او بيکارۍ سخته انديښنه ښودلې، او ويلي يي دي، په افغانستان کې دبيوزلۍ اوبۍ کاري دوام نه يوازي داچي د دغه هيواد و ګړي يي له ګواښ سره مخ کړي بلکې دغه بي وزلۍ او بۍکاري د بشری حقونو لپاره هم يوه ستره ننګونه ده.

د رپوټ په حواله څه د دغه هیواد له ۸ ميلیونه بشري ځواک څخه لږترلږه ۴ عشاریه ۵ میلیونه يي له سختي بيکاري کړیږي، دا په داسي حال کې ده چي دغويي ١١نيټه د کارګرانو نړيواله ورځ وه چې دغه ورځ هرکال د افغانستان په ګدون د نړۍپه ډیرو هيوادو کې لمانځل کيږي.

په هیواد کې دبيکارۍ دلوړی کچی له امله يو زيات شمير افغانان دکارموندلو په موخه نورو هيوادو ته ځي، چې تل له بيلا بيلو ستونزو سره مخامخ کیږي، که څه هم چې په وروستيو کلونوکې دخلکو لپاره دپخواپه پرتله څه ناڅه دکار اوبوختیا زمينه برابره شوي، خولاهم ګن شمیر افغانان له وزګارتیانه کړیږي.

دا چي د دغوستونزو داواری لاره څه ده؟

په هیواد کې دکارموندلو په موخه کومې کړنی ترسره شي؟

په دي اړه افغان دولت کوم مسووليتونه لري؟

په دی اړه به د بشری حقونوپه اړه دغږ په نننۍ برخه کې بحث وکړو.

زموږ درانه میلمانه دي:

دمشرانو جرګې سناتور ښاغلی عبدالباقي بریال.، دافغانستان د کارکوونکو د ملی ټولنی غړی انجنیرمحمدخان رهین.، او دچاروشنونکې مطیع الله صافي.