«اطلاعاتو ته لاس رسی»

لومړۍ خپرونه:

30:05:2010

اطلاعاتو ته لاس رسی د دموکراتیکو او مردم سالارو دولتونو یو اساسي عنصر دی او دخلکو لاس رسی هغې د وګړو قانوني او طبیعي حق بلل کیږي.

د افغانستان دولت هم له څو کلونو راپه دیخوا، دغې برخې ته پام کړې، که څه هم چې په دې اړه لږ بې پامي شوې، خو دولت اطلاعاتو ته د لاس رسي ارزښتونو، بشري حقونو او دموکراسۍ پورې اړوند مفاهیمو خپرولو په برخه کې چې د اساسي قانون په پنځوسمه ماده کې هم راغلي، ځان ژمن بولي او دهغې پلي کولو په برخه کې لیوالتیا لري.

د مدني ټولنې اوبشري حقونو شبکه، د یو فعالې مدني ټولنې په توګه، له لومړنیو ټولنه څه ده،چې د خپلو نورو پروګرامونو ترڅنګ ددې ښکارندې په اهمیت پوهیدلې او ددغو ارزښتونو په منطقي او اصولي توګه پلي کیدو لارو چارو لپاره په بیلابیلو کچو د ټولنې له هرې برخې سره بحثونه جوړ کړی او دهغې پلي کولو لپاره ېې بیلابیلې تګلارې ترلاسه لاندې نیولي.

ددغې راډیويي خپرونې له جوړیدو مخکې د افغانستان دمدني ټولنې او بشري حقونو شبکې ، اطلاعاتو ته لاس رسي حق په برخه کې یو، درې ورځینی ورکشاپ چې په هغې کې د مدني ټولنو استازې له کابل او زونونوڅخه رابلل شوي وو جوړ شو.

همداراز شبکې په بامیانو ولایت کې اطلاعاتو ته د لاس رسي په اړه د دوه ورځینی بحث په لاره اچولو سره او همداراز اطلاعاتو ته د لاس رسي په برخه کې د هرات په ولایت کې د یو تحلیلي سمپوزیم جوړل، چې په هغې کې د موثقو اطلاعاتو ته د لاس رسي په اړه ګټور بحثونه وشول او اطلاعاتو ته د لاس رسۍ قانونو مصوده لیکلو لپاره دغونډو جوړیدو طرحه او په دې اړه ځینې نور کارونه ترسره شول او بله خپرونه هم د مرکز او ولایتونو په کچه ترلاسه لاندې لري.

خو په ترټولو نوي مورود کې د شبکې له خوا د مخکې طرحه شويو پروګرامونو په لړکې، داځل اطلاعاتو ته د لاس رسي په برخه کې د خلکو د پوهاوي د کچې لوړوالي په موخه او همداراز اطلاعاتو ته دلاس رسي څرنګوالي په اړه د راټوکیدلو پوښتنو ته د ځواب ویلو او مفاهیمو تشریح په موخه « اطلاعاتو ته د لاس رسي » دا راډیويي خپرونه په مزار شریف ښار کې د بلخي رابعې راډیو په همکارۍ کې پیل کړې.

« اطلاعاتو ته د لاس رسي » لومړنۍ راډیويي خپرونه د ۱۳۸۹ لمریزکال د حمل په نولسمه خپره شوه. په دې خپرونه کې، اطلاعاتو ته د لاس رسي موضوع ګانې، چې د ارزښت له پلوه ددغې خپرونې په لومړي توب کې راځي، له درنو میلمنو سره مو پرې بحث کړې چې په ترتیب سره پرې خبرې شوي.

د یادونې وړده، چې دا خپرونه هره میاشت یوځل جوړیږي او د دیرشو دقیقو په موده کې خپریږي. « اطلاعاتو ته د لاس رسي » راډیويي خپرونو اساسي موخه اطلاعاتو ته د لاس رسي د بیلابیلو اړخونو څیړل دي او هڅه کیږي ترڅو اطلاعاتو ته د لاس رسي مفهوم په اړه او دا چې څه ډول حق دی او څوک د اطلاعاتو د ورکړې مسول دی، اطلاعات باید څه ډول وګړو ته ورسیږي، اطلاعاتو ته د لاس رسي اړتیا په څه کې ده، دولت په دې اړه څه مسولیت لري، وګړي څه ډول کولی شي اطلاعاتو ته لاس رسی پیدا کړي، اطلاعاتو ته لاس رسی او د بیان آزادي سره څه توپیر لري ، آیا د بیان آزادي اطلاعاتو ته له لاس رسي پرته ګټوره کیداي شي، اطلاعاتو ته د لاس رسي په برخه کې رسنۍ څه ونډه لرلې شي او... ځواب ویل کیږي. همداراز په دې راډیويي خپرونه کې، اطلاعاتو ته د لاس رسي وضعیت، اطلاعاتو ته د لاس رسي په برخه کې د وګړو، رسنیو، او مدني ټولنو په وړاندې د ستونزو شتون او داشان نورې پوښتنې دي چې د محترمو کارپوهان او شنونکو له خوا ورته ځواب ورکول کیږي.

« اطلاعاتو ته د لاس رسي » په لومړۍ خپرونه کې په شمال زون کې د مدني ټولنې او بشري حقونو شبکې همغږې کونکې نسیمه اذکیا او د حقوقي چارو کارپوه ښاغلی کاوه سحاب له ځان سره لرو، چې تاسو ددې خپرونې اوریدو ته رابولو.